संदीप कांबळे, कामठी
-पाच जून रोजी होणार पोटनिवडणूक
कामठी ता प्र 5:-राज्य निवडणूक आयोगाच्या आदेशानुसार निधन,राजीनामा ,अनहर्ता, तसेच इतर कारणामुळे रिक्त झालेल्या ग्रा प सदस्य पदासाठी 5 जून रोजी पोटनिवडणूक होणार आहे.यानुसार कामठी तालुक्यातील खैरी ग्रा प च्या अपात्र झालेल्या महिला सदस्य प्रीती मानकर यांच्या रिक्त जागेसाठी प्रभाग क्र 2 च्या अनु जाती स्त्री प्रवर्गातील एका जागेसाठी 5 जून रोजी पोटनिवडणूक होणार आहे.तशी अधिसूचना तहसीलदार अक्षय पोयाम यांनी प्रसिद्ध केली आहे.
पोटणीवडणुकीचा जाहीर कार्यक्रमानुसार 13 मे ते 20 मे दरम्यान सकाळी 11 ते दुपारी 3 पर्यंत सुट्टीचे दिवस वगळता नामनिर्देशन पत्र स्वीकारले जातील .23 मे रोजी नामनिर्देशन पत्राची छाननी करण्यात येईल तर 25 मे रोजी दुपारी 3 वाजेपर्यंत नामनिर्देशन पत्र मागे घेण्याचा अंतींम मुदत राहील. त्यानंतर निवडणूक चिन्ह देऊन निवडणूक लढविणाऱ्या उमेदवारांची अंतिम यादी प्रसिद्ध करण्यात येईल.तर 5 जुन ला सकाळी साडे सात ते सायंकाळी साडे पाच वाजेपर्यंत निवडणूक मतदान घेण्यात येईल तर 6 जून रोजी मतमोजणी होईल.या निवडणुकीचे निवडणूक निर्णय अधिकारी म्हणून कामठी पंचायत समितीचे गटशिक्षण अधिकारी कश्यप सावरकर राहणार आहेत.
