नागपुर – पोलीस स्टेशन रामटेक अंतर्गत मौजा नगरधन 10 किमी दक्षिण येथे दिनांक 20/06/2022 चे दुपारी 12.00 वा ते 12.15 वा दरम्यान फिर्यादी नामे शशिकांत विठोबा गायधने 52 वर्ष रा. नगरधन यांनी त्यांचा कल्टीवेटर आपल्या बहिनीचे घरी ठेवला होता. यातील अनोळखी आरोपीने फिर्यादीचे भाचीस विश्सावत घेवुन लबाडीने सदर कल्टीवेटर घेवुन गेल्याने पो स्टे रामटेक येथे अप क्र 350/22 कलम 406 भादवि चा गुन्हा नोंद करून तपासात होता.
सदर गुन्हयाचा समांतर तपास स्थानिक गुन्हे शाखेचे पथक करीत असतांना दि 22.06.22 रोजी मिळालेल्या गोपनिय माहीतीवरून चाचेर येथे राहणारा आरोपी नामे- संदीप शंकर वाघमारे वय 30 वर्ष, रा. चाचेर यास ताब्यात घेवुन सखोल विचारपुस केली असता त्याने त्याचा लाल रंगाचा सोनालिका कपंनीचा विना नंबरचा ट्रॅक्टर वापरून लबाडीने फिर्यादीचा कल्टीवेटर घेवुन गेल्याचे सांगितल्याने त्याचा लाल ट्रॅक्टर कि. 2,30,000/-रू. व कल्टीवेटर कि 20,000/-रू. असा एकुण 2,50,000/-रू. चा मुद्देमाल जप्त करून पुढील कार्यवाही करीता पोस्टे रामटेक चे ताब्यात दिले.
सदरची कारवाई नागपुर ग्रामीण चे पोलीस अधिक्षक विजयकुमार मगर, अपर पोलीस अधिक्षक राहुल माकणीकर, यांचे आदेशाने स्थानीक गून्हे शाखेचे पोलीस निरीक्षक ओमप्रकाश कोकाटे यांचे मार्ग दर्शनाखाली सफौ चंद्रशेखर गडेकर पोना अमोल वाघ, रोहन डाखोरे, चालक अमोल कुथे सर्व नेमणुक स्थानिक गुन्हे शाखा नागपुर ग्रामीण यांचे पथकान केली आहे.
Next Post
नागरी समस्या निवारण केंद्रांद्वारे आतापर्यंत 395 तक्रारींचे निराकरण
Thu Jun 23 , 2022
नागपूर, ता. 23 : नागरिकांच्या मुलभूत तक्रारींच्या अनुषंगाने मनपा आयुक्त तथा प्रशासक राधाकृष्णन बी. यांनी दिलेल्या निर्देशाप्रमाणे झोनस्तरावर स्थापन करण्यात आलेल्या कोरोना नियंत्रण कक्षांना ‘नागरी समस्या निवारण केंद्र’ म्हणून कार्यान्वित करण्यात आले आहे. या केंद्रांना नागरिकांचा उत्तम प्रतिसाद मिळत असून मंगळवारी 21 जून पर्यंत झोन स्तरावर नागरी समस्या निवारण केंद्रांमध्ये 508 तक्रारी प्राप्त झालेल्या असून आतापर्यंत दहाही झोनमधील 395 तक्रारींचे निराकरण […]
