नागपूर :- दिनांक २७.०५.२०२३ चे १४.३० वा. व दि. ३०.०५.२०२३ चे १६.०० वा. चे दरम्यान पोलीस ठाणे पाचपावली हद्दीत बाळाभाऊ पेठ, संताजी मठ, बब्बू मेंबरचे घराजवळ राहणारे फिर्यादी रवि दिपक समर्थ वय २४ वर्ष. हे घरी असताना आरोपी प्रिंस प्रमोद चहादे वय २८ वर्ष रा. भिम नगर झोपडपट्टी, जरीपटका याने फिर्यादीस आवाज देवुन बोलाविले व त्यांना तु बहोत माल कमा रहा है. मेरे को हर महिने खर्चा देना पड़ेगा, नहीं तो तेरी यही लाश गीरा दूंगा, अभी मुझे दारू के लीये ५००/- रू दे” असे म्हणून अश्लिल शिवीगाळ करून धमकी दिली. फिर्यादीने घाबरून आरोपीला ५००/- रू दिले. फिर्यादीने आरोपी विरुद्ध तक्रार केली नव्हती. दिनांक ३०.०५.२०२३ रोजी आरोपीने पुन्हा फिर्यादीचे घरासमोर येवुन पुन्हा फिर्यादीस धमकी देवून ५००/- ची मागणी केली. फिर्यादीने त्यास “मैं गरीब आदमी हु बारबार कहा से पैसे दूंगा” असे म्हटले असता आरोपीने कमरेतुन त्याचे जवळील लोखंडी तलवार काढुन अश्लिल शिवीगाळ केली व धाक दाखवुन “तुने मुझे हफ्ता नहीं दिया तो इस तलवार से तुझे काट के खाऊगा तेरे भाई सौरभ से भी मुझे हफ्ता होना, मैं अंदर रहु या बाहर मुझे फरक नही पडता, मै कीसीका भी खेल कर सकता हु” असे म्हणून फिर्यादीस हातबुक्कीने व लातेने मारहाण केली व घरासमोरील फिर्यादीची पांढरी अॅक्टीव्हा गाडी क्र. एम.एच ४९ बी.ए. ८६०१ ला लाथ मारून पाडुन नुकसान केले. तसेच शिवीगाळ करून मै तेरा हिसाब करूंगा असे म्हणून जिवे ठार मारण्याची धमकी दिली. याप्रकरणी फिर्यादी यांनी दिलेल्या तक्रारीवरून पो ठाणे पाचपावली येथे पोउपनि राजेश डोंगरे त्यांनी आरोपी विरुद्ध कलम ३८४ ३८५, २९४, ३२३, ४२७, ५०६ (ब), भादवि सहकलम ४/२५ भा.ह. का सहकलम १३५ म.पो.का अन्वये गुन्हा नोंदवून आरोपीस अटक केली आहे. पुढील तपास सुरू आहे.
खंडणी मागणाऱ्या आरोपीस अटक
Contact us for news or articles - dineshdamahe86@gmail.com
