संदीप कांबळे,कामठी
कामठी ता प्र 3:-डोळ्याचे शस्त्रक्रिया करण्यासाठी कामठी च्या नेत्ररोगतज्ञ कडे दुचाकीने हैदरी चौक मार्गे जात असलेल्या दुचाकीला विरुद्ध दिशेने येणाऱ्या ट्रकने दिलेल्या धडकेत घडलेल्या अपघातात सैनिक पिता व सेवानिवृत्त पोलीस तसेच अडीच वर्षीय सैनिक पुत्राचा जागीच दुर्दैवी मृत्यू झाल्याची घटना रॉय हॉस्पिटल जवळ घडली तर सैनिक पत्नी गंभीर जख्मि असून उपचारार्थ खाजगी इस्पितळात उपचार घेत आहे.ही घटना आज दुपारी 12 दरम्यान हैदरी चौक जवळ घडली.मृतक सैनिक पिता चे नाव रामदास परसरामजी वनकर वय 65 वर्षे रा गजानन नगर , पिपळा फाटा नागपूर , तसेच अडीच वर्षीय सैनिक पुत्राचे नाव त्रिशांत राकेश वनकर असे आहे. तर जख्मि सैनिक पत्नीचे नाव दामिनी राकेश वनकर वय 45 वर्षे असे आहे.
पोलिसांनी दिलेल्या माहितीनुसार सदर मृतक रामदास वनकर हे सेवानिवृत्त पोलीस असून मुलगा राकेश वनकर हा गुवाहाटी आसाम ला सैनिक म्हणून नोकरीवर आहे.इकडे कुटुंबात सून आणि नातवाशी वास्तव्यास असून डोळ्याच्या शस्त्रक्रियेसाठी कामठी येथील नेत्ररोग तज्ञाकडे ऍक्टिवा क्र एम एच 40 बी आर 4889 ने पिपळा फाटा नागपूर हुन कामठी च्या हैदरी चौक मार्गे जात असता विरुद्ध दिशेने येत असलेल्या ट्रकलगत जात असता दुचाकी अनियंत्रित होऊन दुचाकीवर बसलेली सून जख्मि दामिनी ही रस्त्याच्या कडेला पडली तर दुचाकीचालक व त्याचा नातू ट्रक च्या चाकात येऊन झालेंल्या अपघातात जागीच मृत्यू झाल्याची घटना घडली.यासंदर्भात नागरिकांनी धाव घेत ट्रक चालकाला थांबवून पोलिसांच्या स्वाधीन केले.पोलिसांनी वेळीच घटनास्थळ गाठून घटनास्थळाचा पंचनामा करीत मृतदेह पुढील उत्तरिय तपासणीसाठी कामठी च्या शासकीय उपजिल्हा रुग्णालयात हलविण्यात आले.पोलिसांनी ट्रक क्र एम एच 40 ए के 0268 ताब्यात घेत आरोपी जितेंद्र भोंगाडे वय 24 वर्षे रा सालई बु.ता.मोहाडी जिल्हा भंडारा विरुद्ध गुन्हा दाखल करीत अटक करण्यात आले.पुढील तपास सुरू आहे.