कोदामेंढी :- दरवर्षीप्रमाणे यंदाही येथील आदर्श नाट्य मंडळ, मंडली ग्रुप तर्फे पांडव पंचमी व मंडई निमित्त व्यापारी संघ तथा समस्त ग्रामवासी यांच्या सहकार्याने दोन दिवसीय मंडईचे आयोजन उद्या बुधवार दिनांक 6 नोव्हेंबर पासून ते गुरुवारी 7 नोव्हेंबर पर्यंत आदर्श चौक व बैल बाजार चौक येथे आयोजित केलेले आहे.
याबाबत सविस्तर वृत्त असे कि,मंडईनिमित्त बुधवार दिनांक 6 नोव्हेंबरला आदर्श नाट्य मंडळातर्फे वॉर्ड नंबर 2 येथील आदर्श चौकात सायंकाळी अश्विनी नागपूरकर डान्स ग्रुप नागपूर यांच्या रेकॉर्डिंग डान्स हंगामा तर गुरुवार दिनांक 7 नोव्हेंबर गुरुवारला शाहीर माणिक साठी, व्यंकटराव डांसर बंटी बबली यांच्या दिवसभर राष्ट्रीय संगीत खडा तमाशा तर मंडली ग्रुप तर्फे डायमंड डान्स ग्रुप डीजे नृत्यांगना अर्चना मुंबईकर यांच्या हंगामा प्रोग्राम व अँकर परेश यांच्या हास्य फवार्याच्या कार्यक्रम वार्ड क्रमांक 3 येथील बैल बाजार चौकात आयोजित केलेला आहे. कार्यक्रमाच्या यशस्वीतेसाठी आदर्श नाट्य मंडळाचे व मंडलिक ग्रुप मंडळाचे सर्व पदाधिकाऱ्यांसह गावातील समस्त व्यापारी वर्ग सह समस्त ग्रामवासी सहकार्य करीत आहे.
या कार्यक्रमाच्या प्रचार व प्रसार करण्यासाठी नुसते पत्रके छापले नाही तर डिजिटल युगातील हायटेक पद्धतीने सोशल मीडियाच्या वापर करून कलाकारांचे व्हिडिओ बनवून कार्यक्रमाचे आयोजक स्वतःच्या स्टेटसवर ठेवून कलाकारांतर्फे कार्यक्रम कोठे ,केव्हा ,कोणते, का व कसे सांगून कार्यक्रमाला उपस्थित राहण्याचे आव्हान केले जात आहे .गावातील व परिसरात नागरिकांसह भाऊबीज निमित्त व मंडई निमित्त आलेल्या सर्व पाहुणे मंडळींनी या कार्यक्रमाच्या लाभ घेण्याचे आव्हान आयोजकांनी केले आहे.
