गडचिरोली :- महाराष्ट्र राज्य एड्स नियंत्रण संस्था, मुंबई यांच्या सुचनेनुसार आणि जिल्हा शल्य चिकित्सक डॉ. माधुरी किलनाके यांच्या मार्गदर्शनाखाली जिल्हा एड्स प्रतिबंध व नियंत्रण पथक, गडचिरोली यांच्या तर्फे 10 सप्टेंबर 2024 रोजी ART केंद्र , जिल्हा सामान्य रुग्णालय , गडचिरोली या ठिकाणी HIV / AIDS सह जगणाऱ्या व्यक्तींसाठी सामाजिक संरक्षण शिबिर आयोजित करण्यात आले.
या कार्यक्रमाला प्रमुख पाहुणे म्हणून डॉ. नागदेवते नोडल ऑफिसर ART केंद्र , जिल्हा विधी सेवा प्राधिकरण गडचिरोली येथील योगेश चेके आणि दीपक उंदीरवाडे उपस्थित होते.
या कार्यक्रमाचे मुख्य उद्देश्य म्हणजे HIV / AIDS सह जगणाऱ्या सर्व व्यक्तींसाठी शासकीय योजनांची माहिती ( संजय गांधी निराधार योजना, घरकुल योजना , राज्य परिवहन बसेस फ्री पास, बालसंगोपान योजना, विधवा निवृत्ती वेतन इत्यादी. यावेळी योगेश चेके आणि दीपक उंदीरवाडे यांनी एच .आय. व्ही / एड्स ( प्रतिबंध व नियंत्रण ) कायदा 2017 याच्या बद्दल माहिती देऊन मार्गदर्शन करण्यात आले.
डॉ. नागदेवते नोडल ऑफिसर ART केंद्र यांनी एच. आय. व्ही रुग्ण यांना योजनांचा लाभ घेण्याचे आवाहन केले. या कार्यक्रमास महेश भांडेकर (DPO), डॉ. अभिषेक गव्हारे (CSO) जिल्हा एड्स प्रतिबंध व नियंत्रण पथक, शेषराव खोब्रगडे (समुपेदेशक) विहान कर्मचारी, ART कर्मचारी आणि 40 लाभार्थी उपस्थित होते .