– झिंगाबाई टाकळी येथील प्रचार सभेत वरुण राजानेही दिला ठाकरेंना आशीर्वाद
![](https://newstoday24x7.com/wp-content/uploads/2024/08/dggds.jpg)
नागपूर :- एकीकडे इंडिया आघाडीतील भारतीय राष्ट्रीय काँग्रेसचे उमेदवार विकास ठाकरे यांना उमेदवारी जाहीर झाल्यापासून नागपूर लोकसभा निवडणूकीकडे संपूर्ण देशाचे लक्ष लागलेले असताना दुसरीकडे सोमवारी झिंगाबाई टाकळी येथील सभा सोशल मीडियावर चांगलीच व्हायरल झाली. नियोजित पद्धतीने सभा सुरु असताना विकास ठाकरे भाषणासाठी उठताच वरुण राजाने जोरदार हजेरी लावली. छत्री-रेनकोट नसतानाही एकही नागरिक जागेवरुन उठला नाही.
परिवर्तनाच्या लढ्यातील नागरिकांची ठाकरे यांच्याबद्दलची आपूलकी आणि ठाकरेंचे नागरिकांसाठीचे प्रेम हे एक ऐतिहासीक क्षण ठरले. भर पावसात भिजताना ठाकरेंनीच भाषण केले नाही तर सभेत उपस्थित नागरिकांनीही भिजून या परिर्तनाच्या संघर्षात सहभागी झाले, असे दाखवून दिले. हा व्हिडीओ सोशल मीडियावर चांगलाच व्हायरल झाला असून आता ही परिवर्तनाची लाट कोणीही थांबवू शकत नसल्याची भावना नागपूरकर सोशल मीडियावर व्यक्त करत आहे.
![](https://newstoday24x7.com/wp-content/uploads/2024/03/Dphysiiocare-2.jpeg)
संविधान आणि लोकशाही रक्षणाची ही लढाई आता जनता विरुद्ध भाजप झाली आहे. यंदा मतदार हा मुर्ख बनणार नसून परिवर्तनाची हाक देतोय अशा प्रतिक्रीयाही सोशल मीडियावर व्यक्त झाल्या.