संदीप कांबळे, विशेष प्रतिनिधी
कामठी ता प्र 27 :- स्थानिक जुनी कामठी पोलीस स्टेशन हद्दीत येणाऱ्या गांधीनगर ,कसाईपुरा कामठी रहिवासी व रेल्वे विभागात कार्यरत कर्मचाऱ्याची एसबीआय क्रेडिट कार्ड वरून 70 हजार 84 रुपयांची आर्थिक फसवणूक झाल्याची घटना 25 मार्च ला घडली असून यासंदर्भात फिर्यादी तानाजी बागडे ने स्थानिक पोलीस स्टेशन ला दिलेल्या तक्रारीवरून आरोपी विरुद्ध गुन्हा दाखल करण्यात आला असून पुढील तपास सुरू आहे.
पोलिसांनी दिलेल्या महितीनुसार सदर फिर्यादी ने एक महिन्यापूर्वीच क्रेडिट कार्ड सेवा सुरू केली असता घटनेच्या दिवशी फिर्यादीला एका अनोळखी मोबाईल कॉल वरून फोन आला असता एसबीआय क्रेडीट कार्ड कडून बोलत असल्याचे सांगून रिफंड साठी क्रेडीट कार्ड ची डिटेल्स घेऊन एसबीआय क्रेडिट कार्ड मधून 70 हजार 84 रुपयाची आर्थिक फसवणूक केली.
